Nóg um að vera á Laugum

0
13

Óhætt er að segja að það sé nóg um að vera á Laugum þessa vikuna. Á þriðjudaginn hófst þar 12 kest. excel námskeið fyrir þá sem vanir eru að vinna við forritið en vilja auka þekkingu sína. Snæbjörn Sigurðarson kennir þar 10 einstaklingum.

Áhugasamir nemendur á iPad námskeiði.
Áhugasamir nemendur á iPad námskeiði.

Í gær hófst svo 9 kest. iPad námskeið fyrir byrjendur, en Vilberg Helgason kennir þar 6 einstaklingum. Bæði námskeiðin eru kennd í Urðarbrunni. Frá þessu er sagt á vef Þekkingarnets Þingeyinga.

 

 

 

 

Undanfarin misseri hefur ekki tekist nógu vel að koma af stað námskeiðum í Þingeyjarsveit, þannig að sú staðreynd að í þessari viku hafi farið af stað tvö námskeið er mjög ánægjulegt.

Rétt er að nota tækifærið og hvetja íbúa Þingeyjarsveitar til þess að vera duglegri við að hafa samband við okkur og koma á framfæri hugmyndum að námskeiðum, segir á vef Þekkingarnetsins.