Misveðrasamt í ágúst

0
13

Veðurklúbburinn á Dalbæ kom saman til fundar þriðjudaginn 6. ágúst, en þann dag kviknaði tungl í NV kl. 21:51. Ríkharði í Bakkagerðum var alltaf illa við mánudags- eða þriðjudagstungl  og minnugir þess telja fundarmenn að ágúst verði frekar misveðrasamur og að það komi ekki til með að hlýna að neinu ráði fyrr en eftir 21. ágúst en þá er fullt tungl. Akureyrivikublad.is segir frá.

Í Aðaldalshrauni
Í Aðaldalshrauni

Einn fundarmanna dreymdi mikinn afla af rauðmaga, sem var keyrt fram í Svarfaðardal þar sem honum var sturtað á tún. Einn maður var látinn standa vörð um aflann til að allir fengju jafnt til skiptanna. Voru fundarmenn ásáttir um að þetta væri fyrir góðri sprettu þannig að flestir mættu vel við una.