Mannlífsmyndir og Krosshólshlátur – Bókakynning á Húsavík á föstudag

0
55

Föstudaginn 15. nóvember kl. 16:15 verður bókakynning í Bókaverslun Þórarins á Húsavík þar sem kynntar verða tvær norðlenskar bækur. Annarsvegar smásagnasafn Vigfúsar B. Jónssonar á Laxamýri sem ber heitið Mannlífsmyndir. Hinsvegar bókin Krosshólshlátur en ritstjóri hennar er Hjörleifur Hjartarson frá Tjörn í Svarfaðardal. Upplestur og kaffisopi, allir velkomnir meðan húsrúm leyfir.

mannlifsm

„Það er einhver notalegur, mannlegur tónn, einhverskonar heiðríkja sem gengur eins og rauður þráður í gegnum þessar sögur,“ skrifaði Jóhannes Sigurjónsson ritstjóri Skarps um bók Vigfúsar á Laxamýri þegar bókin kom út nú í haust.

 

 

 

krossholshlatur_sm

Krosshólshlátur í ritstjórn Hjörleifs er safn sagna og vísna frá gangamönnum á Sveinsstaðaafrétt. Hér er ferðinni ósvikin sveitamenning Svarfaðardals, óður til lífsins og sauðkindarinnar, sambland af afdalamennsku og heimsborgurum eins og þeir bestir gerast á Íslandi.

 

Útgefandi beggja bóka er Bókasmiðjan í Sunnlenska bókakaffinu á Selfossi.

 

Vigfús á Laxamýri
Vigfús á Laxamýri
Söngmenn
Söngmenn