Leikdeild Eflingar í Reykjadal – Skilaboðaskjóðan

    Frumsýnd á föstudagskvöldið

    0
    566
    Frá æfingu á Skilaboðaskjóðunni

    Nú er að hefjast lokaspretturinn hjá Leikdeild Eflingar á verkinu Skilaboðaskjóðunni eftir Þorvald Þorsteinsson með tónlist eftir Jóhann G. Jóhannsson, en það verður frumsýnt föstudagskvöldið 31. mars kl 20:00 á Breiðumýri í Reykjadal.

    Leikstjóri er Hörður Þór Benónýsson og tónlistarstjóri Pétur Ingólfsson.

    Að venju taka margir þátt í verkinu bæði gamalreyndir leikarar hjá félaginu í bland við minna reynda og þó nokkra sem eru að stíga sín fyrstu skref á sviði. Leikarar eru 18, 4 manna hljómsveit auk þeirra mörgu sem koma að sýningunni með öðrum hætti. Verkið er barna- og fjölskyldusýning og er þetta í fyrsta sinn sem Efling setur upp þess háttar sýningu.

    Frá æfingu

    Eins og svo oft áður verða kvenfélagskonur með kaffi og vöfflur á sýningum og sannkölluð kaffihúsastemning á Breiðumýri og verður enginn svikinn af því að kíkja í leikhús þangað.

    Einnig býður Dalakofinn upp á sérstakt leikhústilboð í tengslum við sýninguna.  Af þessu má sjá má að leiksýning sem þessi hefur margvísleg áhrif inn í sveitarfélagið.

    Félögum í Framsýn gefst kostur á að kaupa afsláttarmiða hjá félaginu áður en þeir fara á leiksýningu.

    Miðapantanir eru í síma 618-3945 eða á leikdeild@leikdeild.is

    Frumsýning 31. mars kl. 20:00

    1. sýning 1. apríl kl. 16:00
    2. sýning 5. apríl kl. 19:00
    3. sýning 7. apríl kl. 20:00
    4. sýning 8. apríl kl. 16:00

    Athugið takmarkaður sýningarfjöldi.

    Frá æfingu