íslandsmeistari í eldsmíði.

0
40

Íslandsmeistaramót í eldsmíði var haldið um s.l. helgi á Akranesi. Þar eignuðumst við Þingeyingar íslandsmeistara, það var Gunnar Benedikt Þór Gunnarsson frá Hálsi í Kinn.

Gunnar Benedikt Þór Gunnarsson íslandsmeistari.
Gunnar Benedikt Þór Gunnarsson íslandsmeistari.

 

 

 

 

 

 

 

 

 

 

Gunnar hefur stundað eldsmíði síðan árið 2005 þegar hann fór í fyrsta sinn á námskeið hjá Therese Engdahl sem haldið var á Hrafnagili. Síðan hefur hann farið á nokkur námskeið, meðal annars þrjú til viðbótar hjá henni, þegar hún hefur komið til landsins. Hann hefur búið sér til aðstöðu heima í sveitinni til að smíða, en býr núna á Akureyri.  Gunnar er vel þekktur hagleiksmaður,  hann rennir í tré og sker út, auk þess sem hann kveikir öðru hverju upp í aflinum. Hann smíðar líka stundum hjá Beate Stormo í Eyjafirði, honum finnst þó best að vera einn við vinnu sína.  Aðspurður um það hvers vegna, hann haldi að sigurinn hafi verið hans á þessu móti, segir Gunnar að hann einfaldlega vandi sig við það sem hann er að gera hverju sinni.

Gunnar er í miðjunni. t.v. er Óskar  sem varð í 2. sæti og t.h. er Einar sem varð í 3. sæti
Gunnar er í miðjunni.  t.v. er Óskar Páll Hilmarsson sem varð í 2. sæti og t.h. er Einar Gunnar Sigurðsson sem varð í 3. sæti

 

 

 

 

 

 

 

 

Gunnar keppti við 8 aðra eldsmiði, sem allir smíðuðu lamir, til þess höfðu þeir fjórar klukkustundir.

Í ágúst verður norðurlandameistaramótið í eldsmíði haldið á Safnasvæðinu á Akranesi, það verður spennandi að sjá hvað gerist þar.

 

myndirnar tók: Lúðvík Karlsson.