HSÞ minnir á unglingalandsmótið 3-6. ágúst á Egilsstöðum

0
53

HSÞ vekur athygli á Unglingalandsmóti UMFÍ sem er vímulaus íþrótta- og fjölskylduhátíð sem haldin er árlega um verslunarmannahelgina. Í ár verður mótið haldið á Egilsstöðum dagana 3.-6. ágúst þar sem er frábær aðstaða og boðið uppá skemmtidagskrá fyrir alla fjölskylduna. Í ár bjóðum við börn fædd árið 2006 og fjölskyldur þeirra sérstaklega velkomin að slást með okkur í för.

Keppnisrétt hafa allir á aldrinum 11 – 18 ára en einnig eru í boði ýmis verkefni fyrir 10 ára og yngri. Mótsgjaldið er kr. 7000 en það hefur verið niðurgreitt af HSÞ undanfarin ár til að stuðla að þátttöku þingeyskra ungmenna. Í ár verður gjaldið kr. 3010.- fyrir iðkendur HSÞ sem geta þá keppt í eins mörgum greinum og þeir vilja. Keppnisgreinar í ár eru 23 talsins, sjá nánar á www.umfi.is þar sem skráning fer einnig fram. Foreldrar nota íslykil eða rafræn skilríki til að skrá börnin á mótið. Skráningafrestur er til 30. Júlí.

Endilega hafið samband ef einhverjar spurningar vakna í síma: 896-3107 eða á netfanginu hsth@hsth.is.

HSÞ