HSN rekin með afgangi fyrstu 8 mánuði ársins

0
4

Heilbrigðisstofnun Norðurlands varð til við samruna sex heilbrigðisstofnana 1. október 2014 og er nú á sínu fyrsta starfsári. Rekstur stofnunarinnar hefur gengið vel fyrstu átta mánuði þessa árs og er stofnunin rekin með afgangi. Er það sérstaklega ánægjulegt í ljósi þess að samanlagður halli allra stofnanna sem sameinuðust í Heilbrigðisstofnun Norðurlands nam 79 milljónum á árinu 2014. Frá þessu segir á vef Heilbrigðisstofnunar Norðurlands

HSN

Á þessu fyrsta ári hefur farið mikil vinna í að koma á innra skipulagi, samræma og formfesta starfsemina og sameina upplýsingakerfi. Þjónusta við skjólstæðinga hefur að mestu haldist óbreytt en hagrætt hefur verið i mönnun þar sem rekstrarvandi var mestur. Mönnun hefur hefur þó lítillega verið aukin á nokkrum starfsstöðvum til að mæta eftirspurn eftir þjónustu.

Í framlögðum fjárlögum fyrir árið 2016 er ýmislegt  jákvætt og má þar sérstaklega nefna aukin framlög til heimahjúkrunar og sálfræðiþjónustu. Mun stofnunin styrkja þessa þjónustuþætti á árinu 2016.