“Hrútar” til Ameríku

0
111

Gengið hefur verið frá sölu á Hrútum Gríms Hákonarsonar til Bandaríkjanna. Það var framleiðslu- og dreifingarfyrirtækið Cohen Media Group sem keypti dreifingarréttinn vestanhafs en gengið var frá samningum í gær. Frá þessu segir á vefnum Klapptré.is sem er vefur sem fjallar um kvikmyndir og sjónvarp með sérstaka áherslu á Ísland.

Hrútar mynd

Óhætt er að segja að sala á myndinni hafi gengið afar vel en hún hefur á undanförnum vikum selst til um og yfir 30 landa.

Hross í oss Benedikts Erlingssonar seldist einnig í svipuðum mæli og er vert að minna á þau ummæli Variety að slík víðtæk dreifing þýddi að myndin sé komin í flokk svokallaðra “breakout” titla, þ.e. mynda sem seljast miklu víðar en gjarnan sé raunin með listrænar myndir. Sömu sögu má nú segja af Hrútum.

Klapptré.is