Guðrún Tryggvadóttir tekur við formennsku hjá Bændasamtökunum

Guðrún tekur við embættinu 1. mars nk.

0
551

Sindri Sigurgeirsson, sem verið hefur formaður Bændasamtaka Íslands frá 2013, hefur óskað eftir því að stíga til hliðar. Hann tekur við nýju starfi í apríl sem svæðisstjóri Arion-banka á Vesturlandi með aðsetur í Borgarnesi. Í ljósi þeirra breytinga lætur hann af öllum trúnaðarstörfum fyrir samtök bænda. Frá þessu segir á bondi.is í dag.

Við formannsembættinu tekur þann 1. mars núverandi varaformaður samtakanna, Guðrún Tryggvadóttir bóndi í Svartárkoti í Bárðardal í S-Þingeyjarsýslu.

Guðrún er menntaður kennari en rekur sauðfjárbú í Svartárkoti með systur sinni og fjölskyldum þeirra. Þar er einnig rekið menningar- og fræðslusetur auk ferðaþjónustu í Kiðagili í sömu sveit.

Bóndi.is