Grunnatriði verkefnastjórnunar og leiðtogahæfni

0
56

Á námskeiðinu Grunnatriði verkefnastjórnunar og leiðtogahæfni – er farið í grunnatriði verkefnastjórnunar og persónulega færni nemenda, skilvirkt verklag, skipulag og forgangsröðun verkefna. Námskeiðið verður haldið dagana 25 -27 október og 1-3 nóvember á Húsavík hjá Þekkingarneti Þingeyinga og sér Svavar H Viðarsson um námskeiðshaldið.

Verkefni eru skoðuð í víðu samhengi, allt frá skipulagningu og áætlunargerð til eftirlits með öllum þáttum á verktíma frá byrjun til enda. Þetta námskeið nýtist öllum sem vilja tileinka sér betra verklag, auka afköst sín og skilvirkni í þeim verkefnum sem þeir vinna í og stjórna, sama af hvaða stærðargráðu þau eru.

Á námskeiðinu eru kenndar aðferðir við að undirbúning verkefna, áætlanagerð og eftirfylgni. Þátttakendur fá góða sýn á eðli verkefna, æfingu og kynningu á að nota algeng verkfæri við verkefnastjórnun, kennslu og þjálfun í góðum samskiptum í hópastarfi og kynnt helstu hjálpartæki verkefnastjórans á sviði hugbúnaðar. Námskeiðið er undirbúningur fyrir alþjóðlega D- vottun verkefnastjóra.

Námskeiðið er viðurkennt af Verkefnastjórnunarfélagi Íslands og IPMA (International Project Management Association).  Námskeiðið telur 24 kennslustundir.

Svavar H. Viðarsson hefur víðtæka reynslu í stjórnun verkefna s.s. Grundfos, Coca-cola, Jysk Nordic, Lego og fl.
BSc í Verkferlahagfræði og Virðiskeðjustjórnun
MSc í Verkefnastjórnun.