Greiðslumark aukið um 7 milljónir lítra

0
5

Stjórn Samtaka afurðastöðva í mjólkuriðnaði ákvað á fundi í gær að gera tillögu um 123 milljón lítra greiðslumark mjólkur árið 2014. Gangi tillagan eftir, þýðir hún aukningu á greiðslumarki um sjö milljónir lítra frá yfirstandandi ári, meira en dæmi eru um áður. Frá þessu segir á vef Landsambands Kúabænda.

logo_sam

Tillaga um þessa miklu aukningu er til komin vegna verulegrar söluaukningar mjólkurafurða á innanlandsmarkaði undanfarin misseri, sérstaklega á fituríkari afurðum. Söluaukningin á fitugrunni samsvarar 9 milljónum lítra á undanförnum tveimur árum. Þessi þróun á neyslu mjólkurafurða eru afar jákvæð tíðindi fyrir íslenska kúabændur og felur í sér margvísleg tækifæri fyrir greinina.

Sjávarútvegs- og landbúnaðarráðherra gefur út reglugerð um greiðslumark mjólkur á næstu vikum. Ástæða er til að taka fram að aukning greiðslumarksins hefur ekki áhrif á umfang stuðnings hins opinbera við greinina.