Grani frá Torfunesi heimsmeistari – Fyrsta gull Íslands á HM

0
221
Grani frá Torfunesi

Hrossið Grani frá Torfunesi í Þingeyjarsveit tryggði sér í morgun heimsmeistaratitil á heimsmeistaramót Íslenska hestsins sem stendur yfir í Hollandi. Grani fékk gullið á yfirliti í flokki 5 vetra stóðhesta, en hann hækkaði fyrir skeið í 9.5 og úr 8.31 í 8.36 í aðaleinkunn. Knapi hans var Sigurður Vignir Matthíasson. Grani er fyrsta hrossið frá ræktunarbúinu í Torfunesi sem vinnur gullverðlaun á Heimsmeistaramóti Íslenska hestsins frá upphafi.

Baldvin kr Baldvinsson í Torfunesi var mjög ánægður með þennan sigur þegar 641.is náði tali af honum í morgun og bætti því við að Grani hefði náð hæstu einkunn sem hefði verið gefinn í heiminum á þessu ári í hæfileikum á kynbótasýningu í vor eða 8,88. Þá líkt og nú var það knapinn Sigurður Vignir Mattíasson sem sýndi hann þá.

641.is óskar Torfunesbúinu til hamingju með gullið á HM.