Gerður Sigtryggsdóttir nýr sparisjóðsstjóri hjá Sparisjóði Suður-Þingeyinga

0
188

Sparisjóður Suður-Þingeyinga ses. hefur ráðið Gerði Sigtryggsdóttur í stöðu sparisjóðsstjóra frá og með 1. júní nk. Gerður sem er fædd og uppalin á Breiðumýri í Reykjadal hefur viðskiptafræðimenntun og starfaði um árabil hjá Sparisjóði Reykjavíkur og nágrennis. Frá þessu segir í tilkynningu frá Sparisjóði Suður-Þingeyinga.

Gerður Sigtryggsdóttir
Gerður Sigtryggsdóttir

 

Undanfarin þrjú ár hefur Gerður verið skrifstofustjóri hjá Þingeyjarsveit.

Anna Karen Arnarsdóttir, núverandi sparisjóðsstjóri, hefur sagt starfi sínu lausu þar sem hún og fjölskylda hennar munu flytja til Noregs síðar á árinu.

Stjórn Sparisjóðs Suður-Þingeyinga ses. þakkar fráfarandi sparisjóðsstjóra vel unnin störf í þágu sjóðsins og býður nýjan sparisjóðsstjóra velkominn til starfa.