Gasdreifingaspá veðurstofunnar

0
13

Í dag má búast við loftmengun norður af gosstöðvum í Holuhrauni, frá Mývatni í vestri að Vopnafirði í austir. Síðdegis snýst vindur í vestlægari átt, og dreifist mengunin þá frekar til austurs yfir Hérað og Austfirði. Þetta kemur fram í viðvörun frá Veðurstofu Íslands í morgun.

Gasdreifingaspáin á miðnætti í kvöld. (Skjáskot)
Gasdreifingaspáin á miðnætti í kvöld. (Skjáskot) smella til að stækka

 

Í kvöld snýst vindur til norðvesturs og má þá gera ráð fyrir mengun á sunnanverðum Austfjörðum að Höfn í Hornafirði. Á morgun, laugardag má búast við áframhaldandi mengun suðaustur af gosstöðvunum. Veðurstofan hefur hannað sérstakt skráningarform svo fólk geti látið vita ef það verður vart við brennisteinslykt.