Framhaldsskólinn á Laugum er Mannréttindaframhaldsskóli ársins 2018

0
112
Mynd af vef Framhaldsskólans á Laugum

Við í Framhaldsskólanum á Laugum tókum að venju þátt í bréfamaraþoni Amnesty International, bréf til bjargar lífi, í desember síðast liðnum.  Við fórum með sigur af hólmi í framhaldsskólakeppninni í flokknum flestar undirskriftir miðað við nemendafjölda og ber skólinn því titilinn Mannréttindaframhaldsskóli ársins 2018. Frá þessu segir á vef Framhaldsskólans á Laugum

Við erum að sjálfsögðu afar stolt af þessum titli og fögnum því að nemendur og starfsfólk láti sig mannréttindi varða og sýni það í verki.

Fyrir nokkru söfnuðust nemendur og starfsmenn saman í matsal skólans til að taka á móti viðurkenningarskjali og glæsilegum farandgrip.  Það voru þær Hera og Þórkatla frá Íslandsdeild Amnesty International sem komu færandi hendi, og færðu okkur einnig dýrindis köku í tilefni dagsins.