Fólksflutningabifreið illa farin eftir bruna

0
25

Fólksflutningabíll brann til kaldra kola í Ljósvatnsskarði í hádeginu í dag skammt frá Stórutjarnaskóla. Slökkvilið Þingeyjarsveitar, sem er með aðstöðu við Stórutjarnaskóla, brást hratt við og var komið á staðinn uþb. 10 mín síðar til að slökkva eldinn. Fólksflutningabíllinn var mannlaus fyrir utan bílstjóra, sem gat ekið bílnum af þjóðvegi eitt og áleiðis inn í malargryfju við veginn þegar hann varð eldsins var.

fólksflutningabillinn er illa farinn eftir brunann. Mynd: Sóley Hulda Þórhallsdóttir
fólksflutningabillinn er illa farinn eftir brunann. Mynd: Sóley Hulda Þórhallsdóttir

 

Að sögn Friðriks Steingrímssonar hjá slökkviliði Þingeyjarsveitar gekk ágætlega að slökkva eldinn, en fólksflutningabifreiðin er illa farin eftir brunann. Aðilar frá tryggingafélagi fólksflutningabílsins komu á staðinn síðdegis í dag til að meta tjónið.