Fjöruhreinsun við Ærvíkurbjarg

0
172
Fjöruhreinsun

Á dögunum sameinuðust nokkrir starfsmenn Norðursiglingar og annarra hvalaskoðunarfyrirtækja á Húsavík sem og nemar við Rannsóknarsetur Háskóla Íslands um að hreinsa plast úr fjörunni neðan við Ærvíkurbjarg í landi Laxamýrar. Flestir sem tóku þátt voru erlendir leiðsögumenn og nemar.

Þetta er annað sumarið í röð sem slík plasthreinsun á sér stað hjá starfsfólki hvalaskoðunarfyrirtækjanna en í fyrra var Eyvíkurfjara á Tjörnesi hreinsuð af plasti. Allir sem tóku þátt unnu í sjálfboðavinnu og lögðu sjálfir til bíla og útbúnað. Stór hluti þess plasts sem fjarlægt var reyndist vera ýmiskonar veiðarfæri en einnig ýmislegt annað plast. 

Nokkur hundruð kíló af plastúrgangi söfnuðust og var úrgangurinn fluttur á kerru að vinnusvæði Íslenska Gámafélagsins á Húsavík. Gámafélagið var mikilvægur þátttakandi í verkefninu og sá um að eyða plastinu án endurgjalds.