Enn finnst fé á lífi

0
4

Björgunarsveitir Slysavarnafélagsins Landsbjargar hafa um helgina verið aðstoðað bændur á Norður- og Norðausturlandi. Störfin felast að mestu leiti í smalamennsku og leit að sauðfé. Þó nokkrar heimtur hafa orðið og enn finnst lifandi fé grafið í fönn ásamt dýrum sem hafa drepist.

Klakabrynjað lamb á Þeistareykjum.
Mynd Hallgrímur Óli Guðmundsson.

Leitin hefur aðallega farið fram í Húnavatnssýslu, Skagafirði, Eyjafirði og í Þingeyjarsýslu. Um 100 björgunarsveitamenn víða af landinu hafa verið að störfum á þessum svæðum og hafa notað um 20 sérútbúna bíla og um 10 fjórhjól og snjóbíla. Einnig hafa fjölmargir bændur ásamt öðrum komið til aðstoðar. Leitað verður fram á kvöld og einnig verða einhverjir hópar við leit á morgun. Eftir það telja menn sig hafa lokið leit.

Landsbjörg.is