Elska – sýning á Húsavík

0
6

Einleikurinn Elska, eftir Jennýju Láru Arnórsdóttur, var sýndur við góðar viðtökur í sveitarfélögum Þingeyjarsýslna fyrir jólin 2013 og á Café Rosenberg í janúar 2014. Vegna mikillar eftirspurnar hefur verið ákveðið að sýna eina sýningu í Sjóminjasafninu á Húsavík þann 12. Júní kl. 20:00.

Jenný Lára Arnórsdóttir
Jenný Lára Arnórsdóttir

Einleikurinn er unnin upp úr raunverulegum ástarsögum Þingeyinga. Í verkinu eru sannar ástarsögur okkar tíma dregnar fram í dagsljósið og spurningum um ástina velt upp. Hafa einkenni ástarinnar breyst í gegnum tíðina eða eru það kannski frekar hugmyndir okkar um ástina sem hafa breyst?

Verkið byggir á viðtölum við pör og einstaklinga,sem búsettir eru í Þingeyjarsýslunum, á aldrinum 24-78 ára.

Viðtölin voru tekin upp síðla sumars og haustið 2013. Jenný Lára hefur unnið handritið upp úr þeim upptökum. Leikurinn er einnig í höndum Jennýjar Láru, en í persónusköpun styðst hún einnig við upptökurnar.

Verkefnið er unnið með styrk frá Aftur heim.

Athugið að aðeins verður þessi eina sýning.

Sýnt verður á Sjóminjasafninu fimtudaginn 12. júní kl. 20:00

Miðaverð 2.000 kr. – Enginn posi er á staðnum
Miðapantanir á hrafnstjarna@gmail.com / s: 8476921