Eldmáni, ný bók eftir Elí Freysson

0
167

Út er komin 5. bók Elí Freyssonar Eldmáni. Fyrsta bókin heitir Meistari hinna blindu, undirtitill bókanna er Þögla stríðið, svo komu í þessari röð: Ógnarmáni, Kallið, Kistan og nú Eldmáni. Þetta eru fantasíusögur sem gerast allar í sama heimi. Bækurnar eru allar sjálfstætt framhald, en í bókinni Kallið er Katja aðalsöguhetjan og er það einnig í Kistunni og Eldmána.

Á káputexta segir: Katja er næstum fullþjálfuð sem Rauðkufl. Hún hefur mætt vígamönnum, bölvunum, afturgöngum og djöflum, og styrkist við hverja þraut. En bræðralag Pyttsins býr sig undir sitt stærsta útspil. Pétur Savaren hefur endurvakið hinn forna mátt leynireglunnar og lýsir yfir opnu stríði um völd. Katja og Serdra lærimeistari hennar verða viðskilja og það lendir á herðum Kötju að verja borg gegn her, sem studdur er af djöflagöldrum Bræðralagsins. Senn hefst ógurleg orrusta og Katja þarf að beita öllu sem hún hefur lært og gott betur. Hennar bíður dýrð eða dauði, eða hvort tveggja.

Elí gefur bækur sínar út sjálfur, þær fást í Pennanum Eymundsson.

Elí Freysson að árita Eldmána.
Elí Freysson að árita Eldmána.

 

Eldmáni
Eldmáni.