Ekki boðlegt að þingmenn gleðjist yfir því að framkvæmdirnar á Bakka séu í uppnámi

0
35

Stjórn stétt­ar­fé­lags­ins Fram­sýn­ar hef­ur þung­ar áhyggj­ur af þeirri stöðu sem kom­in er upp varðandi orku­flutn­ing á Bakka í Norðþingi.

Framsýn stórt

 

Stjórn­in er einnig ósátt við að ein­stak­ir þing­menn skuli gleðjast yfir því að þessi staða sé kom­in upp. Þetta er meðal þess sem kem­ur fram í álykt­un stjórn­ar­inn­ar síðan í morg­un.

Ályktun um framkvæmdir á Bakka við Húsavík

 

„Framsýn, stéttarfélag tekur heilshugar undir með sveitarfélaginu Norðurþingi sem lýsir yfir þungum áhyggjum af þeirri stöðu sem upp er komin varðandi framkvæmdir við Þeistareykjalínu 1,en henni er ætlað að flytja orku til iðnaðarsvæðisins á Bakka. Öll hönnun svæðisins og uppbygging innviða hefur miðað að því að á næstu árum byggist þar upp iðnaðarsvæði með nokkrum fyrirtækjum sem nýta muni orku og línumannvirki svæðisins. Frá upphafi hefur verið litið á fyrri áfanga kísilvers PCC BakkiSilicon sem einungis fyrsta áfanga í þeirri uppbyggingu. Mjög miklir samfélagslegir og fjárhagslegir hagsmunir eru undir í því að niðurstaða fáist í málið á allra næstu dögum. Þá telur Framsýn það ekki boðlegt og reyndar sorglegt að ákveðnir þingmenn skuli gleðjast sérstaklega yfir því að framkvæmdin á Bakka á vegum PCC skuli vera komin í uppnám eftir kæru Landverndar. Tugmilljarða framkvæmd er í hættu þrátt fyrir að framkvæmdaaðilar og sveitarfélögin á svæðinu hafi vandað mjög til verks allt frá upphafi í fullu samráði við hlutaðeigandi aðila.“

Framsýn.is