Dalakofinn á Laugum- Störfin og þjónustan mikilvæg fyrir samfélagið okkar

0
10

Á vef Framsýnar-stéttarfélags er sagt frá því að starfsmenn þess voru á ferð um Þingeyjarsveit í vikunni og komu m.a. við á Laugum. Í þessum vinalega þéttbýliskjarna Þingeyjarsveitar er fjölbreytt atvinnulíf, m.a. Framhaldsskólinn á Laugum, Þingeyjarskóli með grunnskóla- og leikskóladeild, iðnaðarmenn, Sparisjóður S.-Þing., stjórnsýsla Þingeyjarsveitar og vaxandi ferðaþjónusta.

Sigfús Haraldur Bóasson, Þóra Fríður Björnsdóttir og Gunnar Sigfússon. Mynd af vef Framsýnar.
Sigfús Haraldur Bóasson, Þóra Fríður Björnsdóttir og Gunnar Sigfússon. Mynd af vef Framsýnar.

 

 

 

 

 

 

 

 

 

 

Eitt af þessum vaxandi ferðaþjónustufyrirtækjum er Dalakofinn, sem hefur verið rekinn af þeim hjónum Þóru Fríði Björnsdóttur og Sigfúsi Haraldi Bóassyni. Dalakofinn skiptist í dagvöruverslun og veitingastað, sem býður upp á fjölbreytt úrval veitinga og þjónustu.

„Í hádeginu á virkum dögum er boðið upp á rétt dagsins, sem notið hefur vaxandi vinsælda hjá íbúum og ferðamönnum og einnig er alltaf boðið upp á fjölbreytta rétti af matseðli. Við leggjum áherslu á að veita heimfólki, nemendum framhaldsskólans og ferðmönnum upp á gott vöruúrval og lipra þjónustu. Við erum meðvituð um að verslunar- og veitingarekstur er ekkert sem menn verða ríkir á. Þessi þjónusta og störfin kringum hana er hins vegar mikilvæg fyrir samfélagið í Þingeyjarsveit og viðskiptavini okkar, þetta finnum við og það gefur okkur kraft og vilja til að halda ótrauð áfram, við höfum metnað og vilja til að gera enn betur.“ segja þau Haraldur, Gunnar og Þóra.

Gestir í Dalakofanum. Mynd af vef Framsýnar.
Gestir í Dalakofanum. Mynd af vef Framsýnar.