Bogfimifélag Akurs á Akureyri bauð til aðventumóts í bogfimi á laugardaginn í Íþróttahúsi Glerárskóla. Bogfimi-æfingar hófust á Akureyri 1980. Núna æfa með klúbbnum 10 – 12 manns.
skotskífan skoðuð og stigin talin. Jóhannes, Guðný og Ásgeir öll í Eflingu.
Bogfimi hefur verið stundum í Íþróttahúsinu á Laugum síðan haustið 2011 undir merkjum UMF Eflingar, þjálfari og upphafsmaður þar er Guðmundur Smári Gunnarsson. Á aðventumótinu á Akureyri var keppt í þremur flokkum, þ.e. á 12 m færi með trissuboga, 12 m færi með sveigboga og 18 m færi með sveigboga. Eflingar fólkið stóð sig frábærlega vel því Jóhannes Friðrik Tómasson vann í flokknum 12 m með sveigboga og Ásgeir Ingi Unnsteinsson varð í öðru sæti.
Í 18 metra flokknum vann Tómas Gunnarsson og Unnsteinn Ingason varð í þriðja sæti, báðir í Eflingu. Á Laugum æfa að jafnaði rúmlega 10 manns þar af tvær stelpur. Eflingarfélagar stefna svo á að fara á Reykjavík International Games (RIG) sem haldið verður 26. og 27. Janúar 2013.
