Í dag sunnudaginn 24. nóvember stóðu nemendur 8. og 9. bekkjar í Stórutjarnaskóla og foreldrar þeirra, fyrir Bingói í skólanum. Þau eru að safna fé í ferðasjóð. Fjölmargir mættu til að freista gæfunnar eða yfir 120 manns. Veður var með eindæmum gott og hefur það örugglega átt sinn þátt í þessari góðu mætingu. Spilað var um 25 vinninga. Aðalvinningur dagsins var jólatré frá skógræktinni í Vaglaskógi, jurtakryddað lambalæri og hangikjötsrúlla frá Kjarnafæði, 12 litlar pepsí flöskur frá Ölgerðinni, útikerti frá Stóruvöllum, jólapappír og loks frímerki frá Pósthúsinu á Húsavík og þennan glæsilega vinning hlaut Gunnhildur Arnþórsdóttir í Hrísgerði. Nemendur og foreldrar vilja koma á framfæri þakklæti, til þeirra fjölmörgu fyrirtækja sem gáfu Bingóvinninga hér í sveit, á Húsavík og Akureyri fyrir frábæran stuðning, og framhaldsskólinn á Laugum fær þakkir fyrir lánið á Bingóvél og spjöldum. Foreldrar buðu uppá kaffi, djús og smákökur í hléi.
; ?>)
; ?>)
; ?>)
; ?>)
; ?>)
; ?>)
