Atkvæðagreiðsla utan kjörfundar vegna kjörs forseta Íslands

0
59

Utankjörfundaratkvæðagreiðsla vegna forsetakosninga laugardaginn 25. júní 2016 er hafin á skrifstofum sýslumannsins á Norðurlandi eystra á Akureyri, Húsavík, Siglufirði og Dalvík.

Sýsluskrifstofan á Húsavík
Sýsluskrifstofan á Húsavík

Að þessu sinni er jafnframt unnt að greiða atkvæði utankjörfundar hjá kjörstjórum sýslumanns á skrifstofum sveitarfélaganna Grýtubakkahrepps, Þingeyjarsveitar, Skútustaðahrepps og Langanesbyggðar.  Enn fremur á skrifstofum Norðurþings á Kópaskeri og Raufarhöfn og á skrifstofu Akureyrarbæjar í Hrísey.  Þá fer utankjörfundaratkvæðagreiðsla í Grímsey fram hjá kjörstjóra í Miðtúni.

Afgreiðslutími vegna utankjörfundaratkvæðagreiðslunnar er á almennum opnunartíma hverrar skrifstofu. Frá 13. júní verður þó unnt að greiða atkvæði á skrifstofu embættisins á Akureyri til kl. 18:30 virka daga. Jafnframt verður hægt að kjósa laugardaginn 18. og sunnudaginn 19. júní á skrifstofum embættisins á Akureyri, Húsavík og Siglufirði. Allar nánari upplýsingar er að finna á vefsíðunum www.syslumenn.is og www.kosning.is.

Kjósendur eru minntir á að hafa persónuskilríki meðferðis.

Sýslumaðurinn á Norðurlandi eystra