Alþingiskosningar í dag

0
56

Í dag, laugardaginn 29. október, fara fram kosningar til Alþingis. Í Þingeyjarsveit fer atkvæðagreiðslan fram í Ljósvetningabúð og hefst kjörfundur kl. 10:00 og stendur a.m.k. til kl. 18:00 sbr. lög nr. 5/1998.

Ljósvetningabúð
Ljósvetningabúð

„66. gr. Atkvæðagreiðslu má ekki slíta fyrr en átta klukkustundir eru liðnar frá því að kjörfundur hófst og ekki fyrr en hálf klukkustund er liðin frá því að kjósandi gaf sig síðast fram.“

Kjörfundi skal þó slíta í síðasta lagi kl. 22:00. Á kjörstað geri kjósandi grein fyrir sér með framvísun skilríkja eða á annan fullnægjandi hátt. Sími kjörstjórnar á kjörstað er 4643617 og 8660025.

 

 

 

Jóhann Böðvarsson greiðir atkvæði í Skjólbrekku Mynd: Finnur Baldursson
Jóhann Böðvarsson greiðir atkvæði í Skjólbrekku
Mynd: Finnur Baldursson

Kjörfundur í Skútustaðahreppi 29. október 2016

Kosið verður í einni kjördeild í Skjólbrekku. Kjörfundur verður settur kl 10:00 árdegis og stendur til kl 18:00 síðdegis. Ath ber þó 89. gr. laga um kosningar til Alþingis nr. 24/2000 sem hljóðar svo: „Atkvæðagreiðslu má ekki slíta fyrr en átta klukkustundir eru liðnar frá því að kjörfundur hófst og ekki fyrr en hálf klukkustund er liðin frá því að kjósandi gaf sig síðast fram. Atkvæðagreiðslu má því slíta er allir sem á kjörskrá standa hafa greitt atkvæði og eftir fimm klukkustundir ef öll kjörstjórn og umboðsmenn eru sammála um það, enda sé þá hálf klukkustund liðin frá því að kjósandi gaf sig síðast fram. Kjörfundi skal þó eigi slíta síðar en kl. 22:00 á kjördag. Þeir kjósendur, sem hafa gefið sig fram fyrir þann tíma, eiga þjó rétt á að greiða atkvæði“

Kjörstjórn Skútustaðahrepps