Æfingabúðir á Laugum

0
11

Frjálsíþróttaráð HSÞ stóð fyrir sólarhringsæfingabúðum á Laugum 30.-31. okt síðastliðinn. 13 krakkar af svæðinu mættu til leiks og var þetta mjög skemmtilegur tími, bæði í æfingum og utan. Brói var með útiæfingu niður á velli klukkan 5 og að henni lokinni skelltu allir sér í sund.

Frá æfingunni á Laugum
Frá æfingunni á Laugum

Eftir æfingu og sund var hungrið farið að hrjá mannskapinn og þá ekki slæmt að gæða sér á pizzu frá Dalakofanum. Eftir pizzuát var farið í hópeflisleiki fram að svefntíma og ekki hægt að segja annað en að þau hafi staðið sig mjög vel í þeim málum og skemmt sér frábærlega. Klukkan 10 á laugardagsmorgunin var svo æfing númer 2 og hún var einnig úti. Frekar svalt var úti og hélaður völlurinn en þau létu það ekki á sig fá og áttu góða æfingu. Útiæfingarnar snérust mikið um hlaup og drillur. Kærkomin hvíld og hádegismatur var á milli æfinga en seinni æfingin var inni í íþróttahúsi klukkan 2. Þar sagðist Brói ætla að pína þau og lét þau í alls konar þrekæfingar.

Að lokinni æfingu var farið í sund áður en haldið var heim. HSÞ